जनहित कला केन्द्रको ११ औँ साधारण सभा तथा चौँथो अधिवेशन

रेडियो गलकोट
७ असोज, २०८३

जनहित कला केन्द्र गलकोट नगरपालिका वडा नंं. ७ मल्मको ११ औँ साधारण सभा तथा चौँथो अधिवेशन सम्पन्न भएको छ ।

कार्यक्रममा संस्थाका सल्लाहकार सदस्य ज्ञान बहादुर थापाले आर्थिक वर्ष २०८२-०८३ को प्रगति प्रतिवेदन र कोषाध्यक्ष तारा थापाले आर्थिक प्रतिवेदन प्रस्तुत गर्नुभएको थियो ।

सो अवसरमा गलकोट नगरपालिका वडा नं. ७ का वडा अध्यक्ष राज बहादुर थापा, राष्ट्रिय स्वतन्त्र पार्टी वडा नं. ७ का सभापति गंग बहादुर खड्का, नेकपा एमाले गलकोट नगरपालिका ७ का अध्यक्ष होम बहादुर बस्नेत, भक्त बहादुर बि.क ले शुभकामना मन्तव्य राख्नुभएको थियो ।

चौँथो अधिवेशनले सरोज थापाको अध्यक्षतामा ११ सदस्यीय कार्यसमिति गठन गरिएको छ । त्यस्तै ज्ञान बहादुर थापाको संयोजकत्वमा १३ सदस्यीय सल्लाहकार समिति, केहरसिंह थापाको संयोजकत्वमा ३ सदस्यीय लेखा समिति, फमकुमारी थापाको संयोजकत्वमा ६ सदस्यीय खेलकुद समिति र केहरसिंह दर्जिको संयोजकत्वमा ५ सदस्यीय सांस्कृतिक समिति गठन गरिएको छ ।

कार्यक्रम जनहित कला केन्द्रका अध्यक्ष ईश्वर थापा (भरत) को अध्यक्षता, वयोवृद्ध कर्ण बहादुर बि.क को प्रमुख आतिथ्यता, सल्लाहकार लोक बहादुर थापाको स्वागत र ज्ञान बहादुर थापाको सञ्चालनमा सम्पन्न भएको थियो ।